Azia تكتب
لو عندك مشوار سخيف أو مهمة شغل تقيله على قلبك أو إجتماع عائلي نفسك تهرب منه…لو عايز تعرف تعيش…أعمل خطة ونفذها.
إن يكون عندك خطة دي الخطوة الأولى في أنك تعرف تعدي المواقف التقيله وتقدر تعيش حياتك صح…هتخليك تفتكر دايما أنت عايز أيه وأزاي تقدر تعمله…وكمان ده بيقلل من الصدمه في حدوث شئ غير متوقع وبيخلينا نعرف نتحكم في الأحداث ونتوقعها وبالتالي يقلل إحتمالات القلق النفسي والإكتئاب..
هات ورقه وقلم أو أكتب على تليفونك أو أيا كانت الطريقه بس المهم تكتب…
النموذج ده أسمه GROW وكل حرف له معنى:
G Goal الهدف
R Reality واجه نفسك بالحقيقه
O Options أتعامل مع الإحتمالات
W Will لما أنجح هحس بأيه
كل حرف له مجموعه أسئلة جاوبها :
الهدف…….
١-أنت مطلوب منك أيه بالظبط؟
٢-هتكون فين ومع مين وهتعمل أيه؟
٣-أكتب جمله حماسيه لنفسك زي ( لما هروح أقابل أهلي هحس بسعاده وهكون فخور بنفسي)
الحقيقة…واجه نفسك بيها ومتتكسفش
١-أنت حاسس بأيه ناحيه المقابله دي؟
وقارن ده باللي هتحسه لو نجحت فيها.
الإحتمالات…..
١-ايه المواقف السخيفه اللي ممكن تحصل؟ حط إحتمالات لكل حاجه وأعمل خطه دفاع
٢-ايه الخبره اللي تعرفها ؟ مين الناس اللي اعرفهم ؟
٣-أيه ممكن يساعدني أوصل للهدف؟
لما أنجح …….!!!!!
١-المهمه دي انت محتاجها ليه؟
٢-لما تحققها بنجاح هتستفيد أيه؟
٣-أنت محتاج أيه؟ هتوصل لايه؟ توقعاتك ايه؟
٤-هتحس بأيه لما تنجح……؟؟؟؟ حس بالنجاح وأكتب شعورك
مجرد لمبة 