Month: November 2017

Dove #لاتقل_انا_الأفضل_بل_قل_لم_نتفق

دعونى ألملم نفسى وأشيائى وأذهب ..لم يعد هناك مجال للبقاء إنتهى كل شئ. إنتهى لأننى أنا المذنب أم لإنكم المذنبون . لا يهم فالمحصله واحده كل فى طريق.

على من نلقى اللوم وبمن نلصق أسباب الفشل دعونا نتخطى هذه المرحله فلا نقف عندها كثيراً. فإلقاء التهم لن يحل المسأله بل سيزيدها تعقيداً.

سنفترق بهدوء على عكس لقائنا الأول الملئ بالصخب! !!

قد يكون هناك بعض الحلول المطروحه ولكن البعدهوالحل الأمثل لنا جميعا.

صدقونى لم يعد أمامكم إلا قبول الأمر وإن رفضتم فسأرحل رغما عنكم ولم الاصرار على علاقه محكوم عليها بالإعدام؟! !!

فلى نظره ثاقبها فى مثل هذه الامور .

سنفترق حفاظا على ما مضى. نعم سيؤلمنا الفراق ولكن القرب أكثر إيلاماً …

واذا سألونا لماذا افترقناسنجيب بمنتهى البساطه إفترقنا لأننا مختلفون.

#وداعا_للعلاقات_الغيرمريحه

#لاتقل_انا_الأفضل_بل_قل_لم_نتفق

#بقلم_لمياء_مقلد😃

اكتب بقلم Dove

اكتب اللى تكتبه وعبر عنه بالطريقه اللى تريحك سواء زعل حزن حب او اشتياق

كلام فى الفضاى او فى المليان .

كلام موزون او مش موزون

كلام يضحك اوكلام يحزن

مش مهم انت بتكتب ايه او لمين المهم عبر عن اللى جواك عبر عن احساسك بس خلى بالك وانت بتطلع الل جواك تجرح اللى جوه الناس.

منشغلش بالك يوصل للناس ولا لأ

الاحساس الصادق بيخترق المشاعر مهما كان نوعه او شكله.

#كل_ما_تبقى_صادق_كل_توصل_للناس

#طلع_اللى_جواك

#عبر_عن_نفسك

#بقلم_لمياء_مقلد😃

طريق طويل هنمشيه معاك

أنضم للبرنامج في نشاط السعادة

النشاط الأساسي:النظام

النشاط الفرعي :إختبار السعادة

الكود #٣

١٢ سؤال ،حدد لكل إجابه من ١ إلى ٧ بدايه من ١ والأكثر ٧

مثال:بعمل الخير عشان

١-أتربيت على كده وده الطبيعي

٢-عشان انت بتحب كده

٣-لانك هتحس انك مهم لما تعمل كده

٤-لانك لو معملتش كده هتأنب نفسك

٥-لانك مضطر عشان محدش يقول عليك وحش

الإجابه:١-٧

٢-٥

٣-١

٤-١

جاوب الأسئلة وأبعت لنا الإجابه عشان نحدد لك أيه هيخليك سعيد!!!

السؤال الأول :لما بتشكر حد عشان عملك حاجه كويسه وانت فعلا مبسوط بيها بيكون كام في الميه

-١-أتربيت على كده وده الطبيعي

٢-عشان انت بتحب كده

٣-لانك هتحس انك مهم لما تعمل كده

٤-لانك لو معملتش كده هتأنب نفسك

٥-لانك مضطر عشان محدش يقول عليك وحش

السؤال التاني: محاولة التفاؤل في المواقف الصعبه اللي باين انها متتحلش

-١-أتربيت على كده وده الطبيعي

٢-عشان انت بتحب كده

٣-لانك هتحس انك مهم لما تعمل كده

٤-لانك لو معملتش كده هتأنب نفسك

٥-لانك مضطر عشان محدش يقول عليك وحش

السؤال الثالث :لما بتتجاهل المواقف وتعديها وتكبر دماغك

-١-أتربيت على كده وده الطبيعي

٢-عشان انت بتحب كده

٣-لانك هتحس انك مهم لما تعمل كده

٤-لانك لو معملتش كده هتأنب نفسك

٥-لانك مضطر عشان محدش يقول عليك وحش

السؤال الرابع :لما بتساعد حد تعرفه او متعرفهوش

-١-أتربيت على كده وده الطبيعي

٢-عشان انت بتحب كده

٣-لانك هتحس انك مهم لما تعمل كده

٤-لانك لو معملتش كده هتأنب نفسك

٥-لانك مضطر عشان محدش يقول عليك وحش

السؤال الخامس: أنك تشتغل على التمسك بعلاقه بتسعدك وتحاول تعمل كل حاجه عشان متضيعهاش

-١-أتربيت على كده وده الطبيعي

٢-عشان انت بتحب كده

٣-لانك هتحس انك مهم لما تعمل كده

٤-لانك لو معملتش كده هتأنب نفسك

٥-لانك مضطر عشان محدش يقول عليك وحش

السؤال السادس :لما تبذل مجهود عشان تحاول تتعافى من موقف صعب حصلك

-١-أتربيت على كده وده الطبيعي

٢-عشان انت بتحب كده

٣-لانك هتحس انك مهم لما تعمل كده

٤-لانك لو معملتش كده هتأنب نفسك

٥-لانك مضطر عشان محدش يقول عليك وحش

السؤال السابع :أنك تكتب رساله عتاب أو تقفل المواضيع بطريقه محترمه ومهذبه

-١-أتربيت على كده وده الطبيعي

٢-عشان انت بتحب كده

٣-لانك هتحس انك مهم لما تعمل كده

٤-لانك لو معملتش كده هتأنب نفسك

٥-لانك مضطر عشان محدش يقول عليك وحش

السؤال الثامن :أنك تعمل أنشطه شاقه تستهلك قوتك زي الالعاب العنيفه

-١-أتربيت على كده وده الطبيعي

٢-عشان انت بتحب كده

٣-لانك هتحس انك مهم لما تعمل كده

٤-لانك لو معملتش كده هتأنب نفسك

٥-لانك مضطر عشان محدش يقول عليك وحش

السؤال التاسع :انك تستمتع بالحياه من خلال الفن الرسم أو الكتابه أو تكلم حد بيحبك

-١-أتربيت على كده وده الطبيعي

٢-عشان انت بتحب كده

٣-لانك هتحس انك مهم لما تعمل كده

٤-لانك لو معملتش كده هتأنب نفسك

٥-لانك مضطر عشان محدش يقول عليك وحش

السؤال العاشر :انك تحط لنفسك أهداف وتحققها

⁃ ١-أتربيت على كده وده الطبيعي

٢-عشان انت بتحب كده

٣-لانك هتحس انك مهم لما تعمل كده

٤-لانك لو معملتش كده هتأنب نفسك

٥-لانك مضطر عشان محدش يقول عليك وحش

السؤال الحادي عشر :-أنك تكون أكثر تدين وتقرا في القرآن وتقعد في الجامع

⁃ ١-أتربيت على كده وده الطبيعي

٢-عشان انت بتحب كده

٣-لانك هتحس انك مهم لما تعمل كده

٤-لانك لو معملتش كده هتأنب نفسك

٥-لانك مضطر عشان محدش يقول عليك وحش

السؤال الثاني عشر :-أنك تخلى بالك من صحتك وتعمل رياضه وتضحك وتبسط نفسك وتعمل اللي يخليك سعيد

⁃ ١-أتربيت على كده وده الطبيعي

٢-عشان انت بتحب كدهه

٣-لانك هتحس انك مهم لما تعمل كده

٤-لانك لو معملتش كده هتأنب نفسك

٥-لانك مضطر عشان محدش يقول عليك وحش

Dove تكتب

غاره أطفئوا الأنوار،وكالعاده أغمضوا العيون،وصموا الآذان.

غاره أخرى أتت لتدمر ماسيكون وما كان.

غاره شنها علينا الأهل والأقارب والخلان.

غاره ترتدى حلتها التقليديه ،حله العار والهوان والخذلان.

غاره سوداء قاتمه ،جاءت تمحى من سمائنا الالوان.

غاره تأكل الأخضر واليابس،وتدمر البنيان،لا تعتبر لخصلات الشعر الأبيض ولا لبكاء الولدان.

غاره كبقيتهم توهن الجسد ،تمزق القلب ،وتقطع الشريان .

غاره متأهبه مستعده،ولا نملك إلا سلاح التهاون ورفع رايه النسيان.

غاره حرة طليقه ،ومكانها وراء القضبان ،لنا الله ولن نسامحكم فلا تسألوا الغفران.

#امحوا_اللون_الأحمر_من_خريطه_الألوان

#استبدلوه_بلون_اخضر_كغصن_الزيتون

#بقلم_لمياء_مقلد😢

Dove تكتب

في كتاب من كتب الاديب علي طنطاوي رحمة الله عليه كتب جملتين علقوا معايا جداً

و الجملتين دول تقريباً اسلوب حياه :

( و ما ضحكت الدنيا ولا بكت و لكن كنت انت الضاحك الباكي )

الدنيا هي الدنيا بخيرها و شرها بس تعامل كل واحد و نظرة كل واحد فينا للاحداث هي ال بتحدد الدنيا دي شكلها ايه ،

و دي حقيقه.

تلاقي واحد صابر و عند كرب عظيم و متفائل قوي

و واحد عنده حاجه لا تذكر و حزين و متشائم ،

الفكره كلها في عينيك انت ، مش في الدنيا .

الجملة التانية…

( نفسك) عالم عجيب!

يتبدل كل لحظة ويتغير

ولا يستقر على حال

تحب المرء فتراه ملكا

ثم تكرهه فتُبصره شيطانا

وما كان ملكاً ولا كان شيطانا

وما تبدّل!

.ولكن تبدلت (حالة نفسك ).

يعني كمان محدش ملاك

و محدش شيطان ،

الناس هي الناس،

أنت أوقات عينيك ال بتشوف ال هي عايزه تشوفه ،

فـ اجمل حاجه تدعي رب العالمين يريك دايماً الجمال و الخير في الناس و يرزقك غض البصر عن العيوب أو التعامل الصح معاها ،

ده اجمل لقلبك و اسلم لحالك

النظرتين دول للدنيا ممكن يعملوا إتزان كبير جداً في التفاعل مع الأحداث .

منقول

Dove تكتب

ناس كتير تقعد تسأل نفسها هو انا ليه مش فاهم الدنيا ولا فاهم الناس اللى حواليا حاسس انى لوحدى .

ارد بكل بساطه علشان حضرتك واحد حشرى 😀😀

وانت عايز تفهم الناس ليه متخليك فى نفسك

ااقولك على سر افهم نفسك هتفهم اللى حواليك 😉

اه بجد على فكره انت مش محتاج تراقب الناس وتصرفاتهم علشان تعرف تتعامل معاهم انت بس راقب تصرفات حضرتك ونفس حضرتك وصدقنى هتلاقى العجب الى يشغلك عن الناس 😢😢

وعلشان تفهم نفسك اليك الأتى:

1-اعتزل الناس فتره من الزمن طويله قصيره انت وشطارتك بقى مش قصد كلامى انك تحبس نفسك فى اوضه ضلمه لا طبعا انا قصدى بس ااقعد مع نفسك اطول فتره ممكنه.

2-هتسألنى اقعد مع نفسى ليه انا مبحبش ااقعد لوحدى ارد واقول هى فتره مؤقته وبعدها حتحب جدا تقعد مع نفسك وتدور عليها علشان تغوص جواها وتراقب كل تصرفاتها.

3-اهم خطوه لست ملاكا ولا شيطانا

عارفه هتقولى يعنى ايه يعنى احنا بشر بنغلط وكمان بنصيب وده العادى لكن اللى مش عادى اننا ندعى الفضيله طول الوقت او نكون مؤذيين طول الوقت حبه فوق وحبه تحت (احب افكرك ده طبيعى).

4-دور كويس هنا وهناك ايوه اللى حته دى فيها حقد ودى فيها حسد ودى فيها طيبه ودى امانه ودى شهامه وعندك حبه نداله مستخبين ورا كوم الجدعنه و….. يعنى كوكتيل مشاعر انسانيه

5-نصارح نفسنا بالصفات الحلوه وكمان الوحشه مهما كانت سيئه صارح نفسك بيها علشان تخف منها

تشخيص المرض اهم خطوه فى العلاج .

خليك جاهز لأى صفه تطلع صدقنى هتتفاجأ والانكار مش هيفيدك احب افكرك الصدق مع النفس ولا شئ غير الصدق .

6-شوفت ياستاذ البلاوى اللى جوه نبدأ بقى عمليه النضافه نعمل مسح لكل الصفات السيئه ونساعد الصفات الحلوه اللى فينا انها تظهر على السطح.

ومش عيزاك تنسى احنا بشر بنغلط وهنفضل نغلط .7-وبكده تكون عرفت نفسك فين السؤال المنتظر

الموضوع ده هياخد وقت اد ايه

اكيد مش على متخلص فنجان القهوه بتاعك

النحتايه دى بالصلاه على النبى هتاخدلها سنين

ايوه سنين وهو ده بقى جهاد النفس .

8-فهمت نفسك وعرفتها كويس بص حواليك بص للناس هتلاقى الدنيا كلها واضحه اوى والناس كمان واضحين اوى هتبدأ تشوف اللى جواهم وتتعامل على الاساس ده مواقف كبيره هتعديها وحاجات صغيره هتقف عندها هتعرف مين اللى بيحبك بجد ومين بنافقك ومين الكداب ومين الصادق يعنى هتفهم انواع البشر كلها انت بقيت تشوف من جوه مش من بره

9-الخطوه دى ركز فيها اوى لما تبدأ تعرف الناس وتفهم معدنهم. ( اسرها فى نفسك يأخى )بلاش حكاوى القهاوى دى وقعده المصاطب دى حاجه عرفتها لنفسك علشان تخليك تعرف تتعامل مع الناس يعنى مش مهم خالص الناس كلها تعرف انك فهمت وعرفت ولا حتى صاحب الشخصيه الل هتتعامل معاه خليه فاهم انك مش فاهم انك فاهم 😂😂

وده هيفيد فى ايه ؟هيفيد انك تحافظ على نفسك من اى ضرر يعنى هتعرف امتى تدخل وامتى تنسحب محدش حيتحكم فيك وفى مشاعرك ابدا هتبقى انت المتحكم الاول والاخير فى تصرفاتك .

طولت عليكم بس نفسنا تستاهل ولا ايه 😉

#حمله_اعرف_نفسك

#خليك_فى_نفسك

#بقلم_لمياء_مقلد_😀

Lazmena تكتب

ساعات ممكن تحس انك مخنوق متكتف سلاسل كتير شداك لتحت زي المسجون ,هتموت من الخنقه وحاسس روحك بتروح منك عاوز تصرخ منك كتر ماروحك متوجعه ,حاولت كتير تحرر نفسك واستهلكت كل قوتك لحد ما اتاكدت انك مش قادر ,روحك بتسيبك وتسرح بعيد وتنسج احلام وامال تخفف بيها عنها وعنك للحظه بتحس بسعاده مبسوط وانت شايف نفسك حر في احلامك من كتر فرحتك بتطمع تحققها فعلا. بس بتبص علي نفسك وتكتشف انك لسه مسجون مش هتعرف تطلع عشان تحقق حتي حلم واحد .فكرت مره انك دايما بتحاول تحرر نفسك بالقوه العنف بس اسلوبك الوحيد للخروج وكل مره بتفشل ,يمكن يكون الحل مختلف ممكن محتاج تخرج نفسك براحه واحده واحده تكون مرن اكتر صحيح ممكن تعاني شويه جروح بس عمر وجعها ماهيساوي انك تكون حر او يمكن محتاج مساعده مش عيب انك تطلب حد يساعدك يمكن محدش واخد باله او يمكن فاكرينك مبسوط بحالتك . #متعيش اسير طول عمرك #متجربش نفس الطريقه كل مره #اطلب مساعده لو محتاج

Dove تكتب مشاعر صرصار

أحس أنه بتلذذ بإذائى ،يوجه لى الإتهامات طوال الوقت،دون أن أفعل له شئ.

يقول أننى الصغير الحجم مقرف ومقذذ،يأكل كل الطعام بمفرده ،ولو تبقى شئ يخبئه فى هذا الصندوق العجيب ،حتى لا أحصل على ما يسد رمقى .

لو لمحته من بعيد أتحاشاه فى الطرقات ولا أحاول حتى الإقتراب منه.

وبالرغم من ضعفى الشديد وقوته العاتيه،والفارق الملحوظ بيننا ،إلا انه عندما يرانى يبدأ فى الصياح وحاله من الهياج ،ويظل يلهث ورائى ممسكا بأسلحته الفتاكه ،ذلك الشئ الثقيل يهبط على رأسى مرارا وتكرارا فيصيبنى بالدوار .

او هذا الشئ الكريه الرائحه يكتم على انفاسى،ويقفدنى الوعى .

حتى عندما أخر صريعا لا يتحرك له جفن.

لماذا يحمل كل هذا الشر فى أعماقه؟؟؟

يظن أن الكون لا يتسع إلا له وحده وكأنه خلق من أجله فقط ياله من جاحد.!!!!

أنتم هكذا يامعشر بنى البشر لن تتغيروا !!!!

#مشاعر_صرصار

#كرتون_يوميات_نمله

#الدكتور_مصطفى_محمود

#مجرد_اختلاف_فى_وجهات_النظر

#بقلم_لمياء_مقلد😀

للتوضيح :كان د:مصطفى محمود رحمه الله يقول يسأل الانسان نفسه لماذا خلق الله تلك الحشره ولكن لعل الحشره تسأل نفسها لماذا خلق الله الانسان ؟!!!!

%d bloggers like this: