فضفضة # ١٠
تخيل طفلين في نفس المكان الأول مغامراته كتير والتاني في حاله….دايما الأول هتلاقي الناس محوطاه مره بالضرب والتهزيق ومره جر شكل ومره حب لخفة دمه…و بردو الثاني هيفضل في حاله…
الملفت إن بعد فتره هتلاقي الأول ده بيزداد بريق وشقاوة ومقاوحه للدنيا….هتلاقيه بيشع مشاعر مره حب ومره غضب ومره سعادة.
والملفت بردو إن التاني هيفضل في حاله ولابيرسل ولا بيستقبل مشاعر، حتى لو كان أنجح وأسعد حد في الدنيا ….بس هيفضل زي الميه الفاتره …حاجه كده ملهاش دعوه بالناس فرحه وخيره لنفسه وعلى أقل تقدير شره كمان لنفسه.
تمااااااام……هى دي الدنيا
آسيا ياسين
مجرد لمبة 