Month: November 2018

#٢ ازاي نساعد بعض كل يوم ثلاثاء….ازاي تخفف عن المريض النفسي

جمل كتيره بنقولها للمريض النفسي أو الشخص اللي بيواجه مشكله أو ضغوط وفاكرين اننا بنساعد وفي الحقيقة احنا بنزود الضغوط عليه وبنزيده أحباط…

١-قول :أنا ممكن مكنش فاهم اللي أنت حاسس بيه بالظبط بس أنا مهتم بيك

متقولش:كلنا بنحس كده عادي

٢-كله هيعدي حتى لو أنت مش حاسس كده دلوقتي

متقولش: أنسى أنت عندك كل حاجه

٣-قول:أنا معاك ومش هسيبك وهنعدي الفتره دي مع بعض متقلقش

متقولش: أنت المفروض تكون كويس على فكره

٤-قول: أنا بسمعك أتكلم

متقولش:أنا رأي كدا….نصيحتي بقى ….أسمع كلامي

فضفضة#١٧ بقلم آسيا ياسين

فضفضة ١٧

يستمر الناس الذين لا رقة لديهم في محاولات مستميته لتدمير رقة من يعيشون الجمال والحياة ،وكأن رقة الآخرين تؤرقهم وتعكر صفو حياتهم البائسة.

وهم وبلا قصد بارعون في إضاعة حياتهم أنفسهم. فالحياة تمر بجوارهم، لاهي تحتويهم ولا هم قادرون على إختراقها ، فكلاهما عصي على الاختراق.

إنها الرقة التي تجعلك حساساً….التي تجعلك منفتحاً….متأثراً بالغامض الذي يحيط بنا.

الحياة ذات معنى لأولئك الذين لديهم تلك الرقة، النعومة، المحبة، الرحمة، والحساسية. ……….عندها تكون الحياة بحد ذاتها برهاناً بل براهين بآلاف الطرق على وجود الله.

آسيا

و#ازاي تساعد نفسك كل يوم سبت…….قائمة المميزات عشان تحب نفسك

ورقه وقلم وكباية شاي….جو هادي….وابدأ أشتغل

بص على نفسك من بعيد على أنك شخص تاني

أكيد هتلاقي حاجات حلوه

دور عليها واكتب ١٠ حاجات تخليك تحب نفسك

ممكن ١٠ مواقف استجدعت نفسك فيهم

أو ١٠ صعوبات كنت أدها

من هنا لحد السبت الجاي الواجب بتاعك تلاقي ١٠ حاجات حلوه تخليك تحب نفسك

#ازاي تحب نفسك

#عيادة الجمعة حزن أو إكتئاب الشتاء

إذا كنت بتحس بالحزن في فصل الشتاء فده طبيعي جرب الوصفات دي أما أما لو زاد عن اسبوعين او اتسبب في لخبطة حياتك بشكل ملحوظ لازم تشوف طبيب نفسي لانه ممكن جداً يكون اكتئاب الشتاء وهو هيساعدك إما بوصف أدوية مناسبة لحالتك أو باتباع أساليب علاجية بديلة.

العلاج اللادوائي لحزن أو إكتئاب الشتاء:

  • 1 تعرض لأشعة الشمس لمدة أطول: فإذا كانت قلة الضوء وعدم تعريض نفسك لمصدر الدفء الرئيسي على الأرض هي السبب الرئيسي لاكتئاب الشتاء، فمن البديهي أن العلاج يكمن في زيادة ما نقص منها! لذا:

حاول الخروج أكثر في الصباح، وتواجد في الأماكن مفتوحة أو التي تدخلها أشعة الشمس.

حاول الجلوس على الشرفة أو إلى جانب النافذة.

أشرع الستائر وأفسح المجال لأشعة الشمس للدخول إلى منزلك ومكتبك.

جرب العلاج بالضوء، وهو أحد التقنيات المعروفة التي يستخدمها الأطباء لعلاج اكتئاب الشتاء، وذلك عبر تسليط ضوء ساطع نحو المريض، وهو ما يمكنك  محاكاته عبر زيادة قوة الضوء داخل الأماكن المغلقة.

2 راقب ما تأكله، واتبع نظاماً غذائياً صحياً. فاكتئاب الشتاء يجعل جسمك يشتهي كميات متزايدة من السكر والكربوهيدرات مثل الشوكولاتة والمعجنات. انتبه وتذكر أن تتناول حصص كافية من الخضروات والفواكه.

3 مارس الرياضة لتبقى نشيطاً. جرب الرياضات التي يمكن ممارستها في الأماكن المفتوحة مثل المشي والجري وقيادة الدراجة، فهذه هي الخيارات الأفضل لتزيد حصتك اليومية من أشعة الشمس.

4 استمع إلى موسيقى مبهجة، فهي تساعد على تحسين المزاج بشكل ملحوظ.

5 حاول الانخراط في الأنشطة الاجتماعية، خاصة الخيرية والتطوعية منها، فهي تولد شعوراً بالإنجاز والسعادة وتعزز شعورك بالرضا والإيجابية.

6 رتب حياتك واستخدم مهارات #كيف تساعد نفسك كل يوم سبت معانا على مجرد لمبة

#ازاي نساعد بعض رقم ١

كلنا ممكن نعاني من الحزن ،القلق،التوتر أو التهور أحيانا…..صح؟

لكن……..أغلب الناس بتعيش الحزن لما تعرف خبر سئ أو يموت لها حد قريب وبتحس القلق قبل الإمتحانات أو لما تحب أو تكره ونفس الحال لما تكون متحمس أو مبسوط بزيادة عشان رايح مناسبه كويسه أو رحله…….الحزن والسعادة والقلق هنا هو نتيجه سبب والسبب بيكون معروف يعني مش إسلوب حياة…….المشاعر دي بتظهر وتختفي مؤقتاً وجايز تسبب مشاكل زي الصداع والأرق وقلبة المعده بس حسب وجود السبب يعني الناس دي بتقدر تعيش طبيعي وتنام أغلب الأيام…….إلا إذا كان فيه سبب !!!!!!!

فرق رهيب بين المشاعر العادية واللي الحزن أو الفرح أشهرها أو جزء منها والمشاعر عند المريض النفسي اللي بتظهر وتختفي من غير ميعاد ولا أسباب واضحه أو منطقيه.

في الوقت اللي بتبذل مجهود رهيب عشان تفهم المريض أنك فاهمه هو نفس الوقت اللي بيتأكدوا فيه إنك مش هتقدر تفهم أو تحس.

النصيحه هنا…………….😇

الأحسن انك تسأله إنت حاسس بأيه…خليه يتكلم ويحكي ويوصف عن اللي حاسس بيه…خليه يطلع الإنفعال ده بالحكي….العب دور المستمع مش أكتر من كده ومتفكرش تقول رأيك أو تنصح لأنه للأسف من كتر الإنفعال ولاقادر يسمع ولا يشوف…طيب لو أنت مش مستعد تعمل إيه؟؟؟؟؟؟

أقترح عليه ورقه وقلم ….قوله أكتب

اقترح عليه يسجل بالصوت

اقترح عليه الوان…قوله ارسم

اقترح عليه حد يكون قريب منه ويقدر يستحمل وجعه….

قوله كلم ربنا …يكلمه ويحكي بصوت عالي

وفر وقتك ووقته وساعده …….أحسن كتيييير جداً من انك تحاول تقوله اد ايه انت متأثر….!!!!!!!

#stopstigma

#ازاي نساعد بعض

#عيادة الجمعة ….تمارين في مكان العمل

اذا كان كل شغلك على مكتب أو قدام الكمبيوتر متقلقش….واشنطن بوست نشرت مجموعه من التمارين بينصح بيها حاليا بعد أبحاث طويله

اطبع الصوره وحطها على مكتبك واعمل لنفسك خطة عمل يوميه عشان تتعود….كل يوم الساعه ١ هعمل التمارين دى ١٠ مرات كل تمرين…٥ دقايق ….ومتنساش تكافئ نفسك كل ٢١ يوم

عشان التمرين يتحول عادة والعادة تتحول لروتين

شوف المقال

https://www.washingtonpost.com/graphics/health/workout-at-work/?noredirect=on

فضفضة #١٦ بقلم آسيا ياسين

فضفضة #١٦

عمرك فكرت في الدنيا والناس بعقلك بس وشلت مشاعرك على جنب، حاول وهتلاقى نتيجه مبهره،نتيجه حسابيه،عقلانيه،زي اي طفل لسه بيتعلم الحساب.

هتلاقيها مشيت معاك ومن غير مشاكل ولا متاعب.

فكر تاني وأحسبها بقواعد الحساب،مهى الدنيا مسألة حساب .

أستنتج اللي قدامك وأقراه بالمعلومات اللي معاك وحاول توصل لحل المسأله.

أقرا العنين والحركات،أقرا الهمسات والكلمات،أقرا الجسم بأنفعالاته،جمع كل المعلومات عن الشخص ده وحطها في الحسابات.

المرة دي كمان هتلاقيها مشيت معاك بس بمشاكل ومتاعب وصراعات وصداع شديد قوي.

آسيا ياسين

%d bloggers like this: