قمة الجهل والتخلف وقلة الأدب أن الناس تقول على البنى آدم المؤذي أو الإرهابي أو حتى السيكوباتي اللي بيدمر اللي حواليه أنه مريض نفسي…المرض النفسي ياحضرات المثقفين مرض زي أي مرض ملوش دعوة بالأذيه….الناس دي أسمها مريضه إجتماعياً أو بمعنى أدق معاديه للمجتمع antisocial بالانجليزي للي مبيفهمش عربي.
المريض النفسي هو أقل واحد ممكن يأذي غيره …ده مشكلته مع نفسه مش مع الناس خالص على فكره…وتصدق الأعجب كمان أنه غالبا بيكون شخص حساس ومختلف .
قبل ماتقول على مريض الإكتئاب أو الوسواس أو الإضطراب الوجداني أو القلق أو الرهاب أو أي مريض نفسي تاني أنه سيكوباتي…..وقبل ماتقول على الإرهابي والحقود والطماع والساخط والأناني والحرامي والحسود والشرير أنه مريض نفسي مش مريض إجتماعي….أعرف ….الأول ….معنى الكلام ولو من باب الأدب
#stop stigma = بالعربي كفاية جهل
آسيا ياسين
مجرد لمبة 