دخلت العيادة شخصيه محترمه جدا وواضح عليها الوقار عايشه مع جوزها بقالها ٢٥ سنه،أدوية الإكتئاب مش جايبه نتيجه وبتفكر في الإنتحار.لما سألتها عن رأيها في جوزها قالت طيب وحنين بس ساعات بيتحول لواحد بيكرهني ونفسه يدمرني.
كأني بلف في دايره من أول مابصحى لحد ماأنام….٣ مراحل من السعاده والهنا،بعدين توبيخ وتقطيم، وبعدين يسبني انهار من حرقه الدم.
ياست قومي انت مش عيانه …انت مش مكتئبه…انت شخص نقي ووقعتي ضحية لعلاقه ممكن تكون أسوأ علاقه على وجه الأرض. لما بيكون اللي قدامك هو طفل برئ وعدو خسيس في نفس الوقت….بديهي تفضلي تلفي في نفس الدايره ….الحل الوحيد انك تكسري الدايره دي من غير تفكير.
سمعت عن Abusing وبيسموه بالعربي وفي جلسات التنميه البشريه مصاص الدماء…مش دراكولا ولا خيال علمي دي علاقه حقيقيه بين واحد بيحب وعايز يحافظ على حبيبته فبيلجأ لأسلوب (تأمن) وهو إسلوب تعزيز الاستمراريه متناقضة النمط.
اللي بيطبق الإسلوب ده بيلبي إحتياجات الضحيه بشكل عشوائي غير متوقع ومن وقت للتاني….فيخلي ضحيته في حاله من البستره الدائمه لمجرد احتياجه لإبتسامه لما يصحى ويفتح عينه
الموضوع مش سهل…بس مشروح في الفيديو ده كويس جدا
مجرد لمبة 