#عيادة الجمعة

عيادة الجمعة ….هل استخسار النوم حقيقي؟

ده مش مرض نفسى ولكنها حالة بتصيب الشخص اللى يومه كله شغل ..لما يحس انه فى دوامة ..لما كل ايامه تبقى شبه بعضها رغم اختلاف التفاصيل.. الا ان المضمون واحد …يفكر الف مرة قبل ما ينام ..لانه لو استسلم للبتاع ده اللى اسمه النوم ..هيتنقل لليوم اللى بعده اتوماتيك. ..فيدخل فى الروتين …يفضل يسهر نفسه عشان ياخد اكبر قدر من الراحة المتعبة …اكبر قدر من اى حاجة مختلفة عن يومه ….الشخص ده بيكون لسة عنده طاقة انه يعيش يوم كمان فى نفس اليوم اللى بيخلص …يوم تانى بتفاصيل تانية …يعنى عايز اليوم يبقى 48 ساعة عشان يقتنع انه ينام …طب وينام ليه وهو لسة ناقصه حاجة ….فيبدأ يعمل زى اللى عايز يلحق السحور فى آخر خمس دقايق قبل الفجر …ياكل من كل حاجة قطمة ويشرب بوء شاى على بؤ مية ….لكن للأسف مش بيلحق الا الفتات ..عشان بعد ما يومه الروتينى بيخلص …بردو بيكون خلص يوم اى حد تانى …اى حد نفسه يكلمه بيكون نام …اى محل بيكون نفسه يروحه بيكون قفل …اى طريق عايز يمشى فيه بيكون فاضى …فبيضطر يأجل كل شىء إلى مالا نهاية …ويسهر مع موبايله ..الوحيد اللى مش بينام

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s