هى بقت ظاهره بجد؟؟؟؟
يعني الأمراض النفسية أتحولت لأمراض وبائية زي الأنفلونزا مثلا!!!! سؤال بيتسأل كتير قوي في الآونه الأخيره
الإجابة طبيا وعلميا “مستحيل” …المرض النفسي والمرض العضوي (الغير وبائي) غير معدي بالمره. يعنى لو رحت زيارة لصديقك اللي رجله مكسوره مستحيل علميا ان رجلك فجأة تتكسر زيه. قيس على المثال ده !!!!! بس جايز تتأثر قوي بحالته وجايز كمان رجلك تشد عليك شويه ( ده لو أنت شخص مرهف الحس ) بس مستحيل مستحيل مستحيل رجلك تتكسر فجأه من غير أسباب .
أعتبر أن مريض الاكتئاب هو الشخص اللي رجله مكسوره …. مستحيل تبقى زيه مستحيل تتعدي بس جايز تتأثر بيه.
الكلام الكتير عن المرض النفسي والبروباجنده الإعلاميه الزايده عن اللزوم هى الدراما المؤثره واللي بدأت تلعب على أعصابنا فنتأثر ونبدأ نشك في اننا تعبنا نفسيا.
المرض النفسي له العلاج المناسب في عيادات الدكاتره النفسسين….زي مشاكل العظام حلولها في عيادات دكاترة العظام
الإيحاء خطر كبير …خللي بالك
لو عندك مشاكل حاول تحلها…. دور على مساعده …..مساعدة متخصص في علاج مشكلتك
السموم زادت في آخر كام سنه مبقتش بس الضغوط الإجتماعية والابتلاءات المتتاليه….ولا المخدرات والكحول وبس …بقت كمان زيادة الطاقه السلبية اللى في كل مكان….التليفزيونات والتليفونات والأنوار والتكنولوجيا كمان مصدر طاقه سلبيه
اشتغل على نفسك …طور مهاراتك….دور على شغل….شوف أهلك…ود صحابك…..خالط الناس الصح وأبعد عن الناس الغلط…..قرب من ربنا وأطلب منه يلهمك العلم والمعرفه….طور مهاراتك الروحانيه بالتأمل والصلاه….ابعد قوي قوي قوي عن السموم …. أنت مش مريض نفسي متخفش…..أنت مضغوط في الدنيا مش أكتر……ابشر 🙏
مجرد لمبة 