مجرد لمبة

يمكن ده من الأفلام اللي هتحتاج انك تشوفه أكتر من مرة عشان تفهم قصته لكن مش هتحس بملل معاه .

الفيلم عن استاذ جامعي حياته روتينية ومملة مفهاش شيء مبهج ، بيقترح عليه زميله ف الشغل يشوف فيلم وبعد تأجيل لفكرة مشاهدة فيلم كذا مرة بيقرر يبدأ يشوفه ف ليلة كان في توتر ف علاقته بزوجته لكن بيلاقي أن في ممثل ف الفيلم شبهه بالظبط ف الشكل وف الصوت وف كل حاجة فبيبدأ رحلته ف البحث عن الممثل ده ومعرفة شخصيته عاملة أزاي .

الفيلم بيغلب علي الصورة بتاعته اللون الأصفر المطفي ، درجة اللون دي هتحسسك إنك ف متاهة أو مسجون ، معرفش ليه، بس هتدخلك وسط موود الفيلم بسرعة ، مش هتفهم الفيلم من أول مرة بسبب عمق التفاصيل جواه لكن هتحبه .