تمرين المرايا:
دور على صوره لك وانت صغير (٥-٦ سنين مثلا) وعلقها على المرايا…بص للصوره كويس قوي…شايف طفل سعيد والا حزين؟….أتكلم مع الطفل ده وانت بتبص لعنيه في الصوره أو في عنيك انت في المرايا…أختار الأريح لك….لك أسم دلع أستخدمه وانت بتكلم الطفل ده دلعه وبينله انك فعلا بتحبه….ياريت تعمل التمرين ده وأنت قاعد ومرتاح جدا …على فكره ممكن تجيب مناديل وأبدأ اتكلم…خد راحتك خالص …مش عيب أنك تعيط😉
بعد ماتخلص وتفتح قلبك للطفل ده وتسمع منه قوله” أنا بحبك…أنت جميل وأنا بحبك…متخافش….أنا معاك ومش هسيبك أبدا”
الواجب:
في دفترك….وقت مناسب…كبايه ميه….حط فيها نعناع أو ليمون وأبدأ أكتب
١-النهارده هنحتاج ألوان أو قلم رصاص عشان هنرسم
٢-أستخدم إيدك اللى مبتكتبش بيها ( الشمال لو كنت بتكتب باليمين) ارسم صوره لنفسك وانت صغير….عايزك تبدع
٣-علق الصوره قدامك على المرايا
٤-أبدأ بص للمرايا واتكلم مع الصوره
٥-أسأل الطفل ده…بتحب ايه؟مبتحبش ايه؟بتخاف من ايه؟محتاج ايه؟أقدر أعمل لك ايه يخليك سعيد؟
٦-غمض عينيك واتخيل الحوار بينك وبين الطفل ده…خد وقتك خاااااالص
مجرد لمبة 