تمرين المرايا:
بص لنفسك في المرايا بص لعنيك كويس وردد” مهما كنت بقول لنفسي ومهما حصل فأنا بحب نفسي”كررها أكتر من مره وزود عليها” أنا بحب نفسي”….لو أفتكرت أي حاجه سلبيه كانت بتتقال لك وأنت صغير زي أنت غبي أو أنت فاشل…حاول تتغاضى عنها وكأنها محصلتش وقول بدالها” أنا ذكي وأذكى بكتير مما أعتقد أنا عبقري وممكن أخترع وأبدع…أنا إنسان أستحق الحب وأستحق الحياه…..ردد كده كتير على أد ماتقدر …كل ماتعدي قدام مرايا أو خللي معاك مرايا صغيره…١٠٠ مره خد نفس عميق وردد الكلام الإيجابي ده
الواجب:
في دفترك خصص وقت لنفسك وكبايه شاي حلوه وأكتب
١-عملت أيه أو قلت أيه سلبي النهارده؟ كام مره؟قلته لمين؟ فكر في جمل إيجابيه تقولها لنفس الناس دي تساعدهم وتنشر الإيجابيه لنفسك واللي حواليك
٢-أكتب كلمة”لازم”وجنبها حط مجموعه كلمات تدي نفس المعنى زي “أقدر”،أجرب،ممكن………الخ
٣-أعمل قائمة بالكلمات الإيجابيه دي وحطها على المرايا عشان تشوفها طول اليوم وترددها كمان
مجرد لمبة 