تمرين المرايا:
قدام المرايا خد نفس عميق شهيق زفير وحس بكل التوتر وهو بيخرج مع من جسمك مع الزفير….بص لدماغك كويس وأتخيل كل الكلام السلبي والمعتقدات السيئة وتجاربك الحزينه تخيل أن كلهم أتجمعو في نقطه واحده وأنك هتسحبها بسرينجه وهترميها بعيد….بص لعنيك كويس وقول لنفسك” يلا بينا نبدأ على نضافه..نبدأ نسجل حياتنا بإيحابية”…قول لنفسك بصوت تسمعه “كله بيعدي…أنا هتخلص من كل السلبيات كل الخوف كل الغضب كل مشاعر الخزي والخزن والألم والندم كل المشاعر القديمه دي أنا خلاص أتخلصت منها،أنا فى حاله سلام داخلي مع نفسي ومع الدنيا …أنا في أمان”…كرر الكلام ده أكتر من مرتين تلاته ….على مدار اليوم أمسك مرايتك الصغيره أو بص في كل مرايه تقابلها وكرر الكلام ده لنفسك كتير….هتتعود بالوقت وهتبقى دي حياتك…إن شاء الله
الواجب:
في وقت مناسب أمسك دفترك وأبدأ تكتب
١-معظم المشاكل بتكون بسبب الأربع أسباب دول الخوف،الندم،النقد أو الغضب…في دفترك أعمل جدول من أربع خانات كل خانه أكتب نقطه من النقط دي وحط تحتها كل حاجه في حياتك لها علاقه بيها…ذكريات،كلمات،أفكار……الخ
٢-من الخطوه ١ حدد أكتر نقطتين كتبت فيهم وأبدأ لكل نقطه فيها تلاقي جمل أو أفكار إيجابيه.مثلا:لو الغضب ،أكتب” أنا أخترت أتخلص من الغضب والإستياء…كل ما أتخلصت منها أكتر كل ماهكون أسعد”
٣-كل حاجه في حياتنا إنعكاس لنفسنا…فكر في أكتر شخصيات الصعبه في حياتك…أكتب أسمائهم وليه هم شخصيات صعبه أو سلبيه بالنسبه لك وأيه الكلام اللي بيقولوه يضايقك
٤-بص على اللي كتبته في رقم ٣ وأبدأ فكر في كلامهم وهل هو حقيقي فعلا أو لا…وليه؟
مجرد لمبة 