تمرين المرايا:
دور على مكان هادي بحبث محدش يقاطعك …طلع مرايتك الصغيره وبص فيها …بص مباشرة لعينك …أتخيل نفسك وأنت صغير وأبدأ أتكلم…الصغير ده محتاجك جدا محتاج حبك وعطفك عشان يكبر …قوله” أنا بحبك…أنا بحبك جدا،أنا عارف أنك بتحاول تعمل اللي عليك ومقصرتش…أنت ممتاز وجميل زي ماأنت كده…أنا بحبك”
التمرين ده هيحتاج منك تكرره أكتر من مره لغايه ماتتعود …متقلقش أنت عاقل جدا مش عبيط ولا مجنون…أنت محتاج تحب نفسك…وهتحب نفسك
الواجب:
زي كل يوم دفترك…كبايه الشاي بالنعناع أو كبايه القهوه…مكان هادي…قلم…أبدأ أكتب
١- أعمل لسته بأكتر ٥ حاجات بتنتقد نفسك فيهم
٢-كل نقطه من الخمسه أكتب جنبها التاريخ اللي حصلت فيه أو بدأت فيه المشكله…لو مش فاكر…حاول بالتقريب
٣-بص على التواريخ….حاجات بقالها سنين…صح؟ تفتكر أنتقادك وغضبك من نفسك ساعدك طول الفتره دي؟ معتقدش صح؟ يبقى لازم تاخد القرار أنك تبطل تنتقد نفسك…صح؟
٤-أعمل لسته تانيه بالحاجات الإيجابيه قصاد كل نمره من ٥ . مثلا: أنا بنتقد نفسي لأن وزني زاد…. خلي بدالها: أنا بحب نفسي وهغير روتين حياتي عشان تبقى صحتي أحسن
٥-خلي اللسته من رقم ٤ دي معاك في محفظتك…شنطتك..كل مره تفكر في إنتقاد نفسك…طلع اللسته وأقراها….ياريت تحطها قدامك وتكررها بصوت مسموع قدام المرايا
مجرد لمبة 