تمرين المرايا:
روح للمرايا لصورتك وأنت صغير اللي علقتها أمبارح،بص لها كويس وكرر ” أنا بحبك أنا مهتم بيك أنا فعلا مهتم بيك” ياريت لو تلاقي كرسي وتقعد وتاخد وقتك وأنت بتكلم الطفل ده قوله ” أنا آسف أني متكلمتش معاك من زمان ومكنش عندي الفرصه أننا نتكلم أنا هعوضك عن اللي فات وههتم بيك “كمل كلامك معاه هو فعلا محتاجلك ….صحيح عدت سنين كتير من غير ماتتكلمو بس متقلقش بسرعه هتلاقي نفسك بتحس بالطفل ده وتسمعه وتشوفه كمان….خللي جنبك مناديل إحتمال إنك تعيط كبيييييير جدا….العياط هيقربكم من بعض جدا
الواجب:
بالليل قبل ماتنام أو أي وقت مناسب لك أقعد مع دفترك وأكتب
١- وأنت صغير كنت بتحب تعمل أيه يخليك سعيد؟اكتب كل حاجه جت في دماغك….أفتكر آخر مره عملت فيها الحاجات دي امتى؟…..متحسش أنك عبيط أو مجنون ….الشخص العاقل اللي جواك هيقولك بلاش تفاهه ….سيبك منه وكمل كتابه
٢-دلوقتي سيب الدفتر واخرج بره أعمل اللي كنت بتعمله وانت صغير،….الحاجات البسيطه الساذجه اللي الأطفال بتعملها…..أطنطط أو أجري ….بص على الأطفال حواليك والألعاب اللي بيعملوها ….افتكر العابك وحاول تعملها….انت مش عبيط….انت بتلاعب طفل صغير محتاج لعطفك قوي…..وأوعدك أنك هتتبسط
مجرد لمبة 