البس وانزل…..الخميس ونادي الميديا

روبرت دي نيرو بيقولك إلبس وانزل!!

في فيلم The intern روبرت دي نيرو كان عامل دور راجل كبير في السن ومراته ميتة وعايش لوحده يعني حد كده مفيش أي حاجة وراه يعملها ولا حد مشغول بيه .. فراغ تام

بس هو برغم كده كان شخص إيجابي جدًا ومتفائل وسعيد .. وغير إنه في أحداث الفيلم راح (يتدرب) في موقع بيتكلم عن الموضة والأزياء تحت إشراف بنت قد ولاده وماتكسفش ولا قال إنه كبر على الطموح .. بس كان فيه حاجة تانية أهم وأحلى

الحاجة دي ظهرت من أول الفيلم ظهرت حتى في التتر نفسه .. وده من جملة عظيمة جدًا .. كان بيقول إنه برغم حياته اللي كانت ممكن تبقى مملة وروتينية إلا أنه لقى الحل السحري علشان ميحسش بكل ده .. الحل بكل بساطة هو إنه دايمًا كان بيقوم يلبس وينزل .. أول ما يحس بس إنه ممكن يحس بملل أو احتياج لحد مايفكرش .. يقوم يفتح الدولاب ويلبس وينزل علطول

ينزل يعمل أي حاجة .. يتمشى .. يقعد في كافيه لوحده يشرب قهوة .. يروح يحضر درس يوجا .. يروح يسمع أغاني في الشارع .. يعمل أي حاجة لأن الحاجات دي مهما كانت بسيطة أو تافهة تأثيرها عمره ما بيبقى تافه
المهم إنه ميقعدش في البيت لوحده أبدًا .. لأن هو ده اللي ممكن يدمر نفسيته وممكن يحسسه بالوحدة والملل والاحتياج للناس

يبقى روبرت دي نيرو بيقولك إيه؟؟؟ إلبس وانزل .. من غير ماتفكر هتروح فين!! المهم تنزل

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

%d bloggers like this: