من منا لم يفقد قدرته على السيطرة على حياته يوما ما!!!!يوم فقدنا عزيز أو صديق أو حبيب!! يوم فشلنا في إختبار كنا نعد أنفسنا لنكون أول الناجحين فيه!! يوم إلتهمتنا الظروف أو عرقلتنا المشاكل،أو غزانا النحس من حيث لاندري ولا نحتسب!!!!

خلينا نتكلم ببساطه….كام واحد فينا عدت عليه ظروف كره فيها حياته ودنيته وعيشته ومستقبله وعمره كله ؟طبعا كلنا عدينا بده يوم من الأيام …لحد هنا وتمام جدا وطبيعي جدا جدا …. طبيعة الدنيا وسنة الحياة.مينفعش نعيش من غير كده والا هنبقى عايشين في الجنه اللي هي مش ممكن تكون في الأرض.المهم أن الفترة دي بتاخد وقتها وبنفوق ونلاقي الدنيا فوق بعضها ،مشاكل،أعمال مؤجله ،وصحاب زعلانين مننا ،وأهل مصدمومين فينا ،وأحلام دبلانه لما أهملنا نسقيها بالأمل.مهو أصلا راح الأمل…..بردو ولحد كده عادي جداً

اللي مش عادي أنك تيجي تفوق من محنة أو حداد أو تحاول تتعايش مع مرضك أو إدمانك ….بس….ترجع تقع تاني لأنك مش لاقي الطريقة الصح اللي تتعامل بيها،تجرب العلاج النفسي والروحاني والناس تقولك روح أتمشى وروح الجيم،وواحد تاني يقولك غير العتبه وهتبقى تمام وبردو ترجع تقع تاني ……..عارف كام واحد حاول يفوق ومعرفش؟! ورجع انتكس وفقد الأمل؟! كتييييييييييييير

مشروع I Can

هو خلاصة تجارب لناس وقعت وحاولت تقف ………ونجحت