Category: الكتاب-إسراء أبوأمين

ربوا ولادكم

يعنى ايه بنى ادم متربي ؟؟؟؟؟
المتربي هو الشخص اللي أهله أهتمو بتربيته مش بس بأكله وشربه ولبسه
الشخص المتربي مش هو اللي بس مبيأذيش لا ده كمان بيساعد غيره,
الشخص المتربي مش بس بيحب الخير للناس ،لا ده بيقدم الخير لغيره,
الشخص المتربي مش بس اللي بيكفينا شره ،لا ده المفروض أنه يشيل معانا في المحن,
في العلاقات الإنسانيه السويه بنستلم الشخص المتربي جاهز بنستلمه متربي من أهله ومبنبذلش مجهود في تربيته

المرتبه الأقل شويه ودي أغلب الناس هو الشخص العادي وده مبيأذيش حد وبيحب الخير لغيره وكافي خيره شره ….وده معاملاته مع الناس عاديه ،بيعيش ويموت عادي
أما المصيبه الكبيره بقى فهى وعلى العكس تماما …..الشخص المؤذي (abuser)
الشخص المؤذي هو اللي بيأذي ومبيحبش الخير ومبيكفيناش شره وبيشيلنا قرفه ومبيشاركناش فرحه،بيتعمد يجرح مشاعر غيره،بيستنى أي فرصه لضعف اللي قدامه عشان يشمت فيه،بيتجاهل غيره لما يحتاجه، ويفضل موجود لما المفروض ميكونش موجود،تصرفاته هى سلسلة من التصرفات المتضاربه الغير مبرره، مره طيب ومره بيزعق ومره بيتجاهل ….ضربة خلاط ….ملهاش علاقه بالحدث نفسه

المؤذي والعادي والمتربي ….دول نتاج لأسرة و لمجتمع ،،،
ياريت الأهل يفهمو ويبذلو شويه مجهود ….بدل ما بيطلعولنا مسوخ وشياطين من الأنس بتأذي ….وتدمر….وتمرض غيرها.

ربوا ولادكم اللهم يكرمكم………..
✅1ـ اذا عاش الطفل في جو من التشجيع .. يتعلم الثقة بالنفس.

✅2ـ اذا عاش الطفل في جو من التحمل .. يتعلم الصبر.

✅3ـ اذا عاش الطفل في جو من المديح .. يتعلم الرضى والمحبة.

✅4ـ اذا عاش الطفل في جو من المشاركة .. يتعلم العطاء والكرم.

✅5ـ اذا عاش الطفل في جو من النزاهه .. يتعلم الصدق.

✅6ـ اذا عاش الطفل في جو من الانصاف .. يتعلم العدل.

✅7ـ اذا عاش الطفل في جو من مراعاة المشاعر .. يتعلم الاحترام.

إسراء أبوأمين

صائد الأحلام ٢٠١٧

كان ياماكان ياسعد ياإكرام ومايحلى الكلام إلا بذكر النبي عليه الصلاة والسلام

كان فيه تعلب مكار عنيه على حمار

نفسه يعمله منبار وياكله بسلطة خضار

حاول معاه كتير بس الحمار كان أمير

ذكي…لماح…مجتهد…شاطر…وخبير

الحمار كان جبار ومركز في الحوار

عينه على أحلامه ومقلق من المشوار

كان عنده خطط وأحلام تتحكى بيها مواويل

كل يوم عنده هدف يسعى له ويحققه بضمير

بس التعلب المكار فضل يراقب الحمار

عين على المشوار والتانيه على الحمار

أمله كبير يكعبله في زحمه أو إعصار

المده طالت والتعلب تعب من المشوار

ولأنه كان مكار أفكاره كانت بحار

أستنى ليه على أمل وقعة حمار

وبدل ماصيدي يبقى صيد أخطاء

وصيد الأخطاء ده صيد البسطاء

أنا أصيد الحلم قبل مايكون له إمضاء

عمل نفسه صديق وحبيب

وبدأ يتقرب ويعرف كل غريب

وكل خطط الحمار الطبيب

لنفسه ومستقبله ولكل قريب

خطته كانت التدمير

ودي خطه ملهاش كبير

أنا أصيد الحلم قبل مايكون وأركز أكون مجنون

انك تدمر بصيد الحلم

وتقهر فريستك بفجعة العلم

وبدأت أحلام المكار تتحقق على إيد الحمار

كل ماالحمار يحلم الثعلب يجري يصيدها

حلم يوم برحله جرى بسرعة وعملها

وفي يوم أتمنى لعبة بردو جرى وأخدها

وشغل وعلم وهم وحلم وغيره وغيره

لحد الحمار ما يأس من أحلامه

يأس من صحوه ومن منامه

كره يحلم عشان ميتسرقش

بطل يفكر عشان ميتألمش

بس قرر وده كان آخر قرار

إنه يفضل حمار

ويسلم للتعلب المكار

عشان يعمله منبار وياكله مع سلطة خيار

تشابه الإختلاف

وجوه وجوه وجوه…..ألوان زاهية تملأ المكان وأخرى قاتمه تعلن وجودها بشراسة.

مئات من درجات ألوان الملابس وعشرات من درجات ألوان البشر.

فرادى مسرعين أو مجموعات تجوب الشوارع ….ثنائيات تتبادل الأحاديث وقد تتراشق بالصياح…وأخرى صامته مطمئنة تتربط الأذرع

أصوات عاليه وأخرى خافته…..ولكنها لغة واحده….نعم إنها لغة واحده فقط

تلك هي المعجزه….لن تراها إلا هنا….على تلك الأرض….منتهى المنتهى

منتهى البساطه ومنتهى التعقيد والتكلف….منتهى الرومانسيه ومنتهى الخشونه…..منتهى التناسق ومنتهى الفوضى…..منتهى الثراء ومنتهى الفقر

محال تتراص تقتلع إنتباهك أثناء المشي كأنك راكب لقطار سريع يربط بين قارتين….

قمة المحليه بجانب قمة العالمية ….وأخرى تقليديه عتيقه متفاخرة بتراثها بجانب الجديدة اللامعه الحداثه…..

رائعة الإختلاف تلك الجميلة……أي تباين هذا! أنه معنى الحياة كما ذكرها الكتاب….بل إنها الدنيا كما وصفها لنا الله في جميع الأديان…..منتهى البساطه حتى قمة التعقيد

يخيل إليك من أول وهلة مدى ترابطها وتناسقها رغم تباينها وتنوعها ….ولكن لا تملك إلا أن تهيم بها عشقاً……

إنها مصر

علاقات

الناس بتتعلق وبتتعود وبتعيش مع اللي يعوزها في عزها ويتجاهلها في العادي

وبتحب اللي يعوزها في عزها وقت ماهو يحب وميعرفهاش في العادي

ومتحبش اللي يعوزها في عزها ويعاديها في العادي

وتكره اللي يعوزها في عزها ويأذيها في العادي

وتبعد عن اللي بتتعلق بيهم وبتحبهم ومبتحبهمش وتكرههم ….لما بتكون ضعيف

في الناحيه التانيه من العالم في ناس عيزاك في عزك وفي ضعفك وتتمنالك السعاده في العادي

طيب لو حد عايزك في عزك وفي العادي وفي ضعفك كمان….يبقى تصنيفه ايه؟

لاتقع

 لا تقع في حب امرأة تقرأ، امرأة تحس بمشاعرها أكثر من اللازم، امرأة تكتب…
لا تقع في حب امرأة مثقّفة ساحرة منتشية هذّاءَة ، امرأة مجنونة.
لا تقع في حب امرأة تفكّر، امرأة تعرف ما تعرفه،
وتعرف أيضًا كيف تطير، امرأة واثقة بنفسها.
لا تقع في حب امرأة تضحك أو تبكي وهي تمارس الحب،
امرأة تعرف كيف تحوّل لحمها إلى روحِ،
وأهم من ذلك، لا تقع في حب امرأة تحب الشعر (فهؤلاء أخطر النساء)،
امرأة تقف أمام رسمة ساعة، ولا تعرف العيش دون الموسيقى.
لا تقع في حب امرأة مهتمة بالسياسة ومتمرّدة،
امرأة تحس بالرعب عندما يغيب العدل.
لا تقع في حب امرأة لا تحب مشاهدة التلفاز،
ولا امرأة فائقة الجمال بغض النظر عن ملامح وجهها أو جسدها.
امرأة مندفعة، مليئة بالبهجة، شفّافة، غير خاضعة، عديمة التوقير.
لا ترغب في الوقوع في حب امرأة كهذه؛
لأنك، إذا وقعت في حبها،
وبغض النظر عن بقائها معك أم لا، أو حبها لك أم لا،
فمنها، من مثل هذه المرأة، لا أحد يرجع. 

مارتا ريفيرا عرّيدو (شاعرة من جمهورية الدومينيكان)
الترجمة من الإسبانية: نعومي راميريث دياث

٢٠١١-٢٠٢٠

٣١ /١٢
٣١ ديسمبر
كل سنه وأنت طيب …عدت سنه …أتألمت وأتعلمت وخسرت وكسبت…بس الأكيد أنك أتأكدت أن كله بيعدي…والدوام لله
هات ورقة وقلم….احتفل ٥ دقايق بأنجازناتك السنه اللي فاتت….هتقول محصلش …اسمع الكلام وهات ورقه وقلم…مش شرط دفتر مخصوص إن شالله ورقة جرنان
…..الورقه والقلم سحر…لما بتكتب بتكلم أكتر كائن فاهمك على وجه الأرض ……دماغك 👌
،،،،،،،،،،،،،،.

اسرح بخيالك ….افتكر….أحلى حكمة سمعتها كانت أيه؟
أكتر جملة أترددت قدامك وكأنها رسالة موجهالك؟
فاكر يوم ماالدنيا كانت سوده قوي قوي قوي؟؟؟؟؟أبيضت أزاي؟
أكتر أغنيه فضلت معلقه في ودانك ومش عارف ليه؟
أكتر أغنية حاسسها بتعبر عنك السنه اللي فاتت ؟
شخص كان جنبك طول الوقت…علمك حاجه،أخد بإيدك،كان طاقة نور؟ متنساش تشكره😉
فيلم أثر فيك قوي؟ ليه؟ متنساش تقول لصحابك عليه😉
أحلى كتاب قريته؟
أحلى معلومه عرفتها؟
مغامرة كان نفسك فيها أو مهارة كان نفسك تتعلمها؟ سواء عملتها أو لا….أكتبها
كل سنه وأنت طيب ….. تعرف أنت كتبت دلوقتي ١٠ حاجات …شارك صحابك وأهلك معاك…خليهم يفكرو أد أيه الوقت بيعلم.

الأهم من الإحتفال إنك تعرف انت بتحتفل بأيه…..يكون عندك حاجه تستحق الإحتفال….والجميل أن كل يوم بيعدي علينا يستاهل الإحتفال….فكر نفسك وصحابك ….فكر في نعم ربنا عليك….الحمدلله
كل سنه وأنتم للحق والخير والجمال والمعرفة أقرب….كل سنه وأنتم لله أقرب

مجردلمبة

%d bloggers like this: