Category: تحدي ٢١ يوم السوشيال ميديا ذكريات

اليوم ١٥ ذكريات

كانت الإذاعة المدرسية بتاعت الصبح بدري😴 والا كان بعد تحية العلم 🇪🇬 والا يمكن كانو بيبعتو ورق متصور والا جايز المدرسين كانو بيلفو على الفصول💼 والا كنت من الجيل اللي مؤمن بالتطوع وكان دايما فيه الطالب المتطوع اللي بيلف على الفصول 👧🏻……وكل ده عشان أيه؟ الرحلة المدرسية؟🤩🤪

فاكر أول رحلة سمعت عنها وكانت حديث المدرسه؟🤔 أهلك اعترضو والا وافقوا والا وافقو بعد عذاب 😈👿🤯😡🤗

عبر عن الإحساس ده بكلمةأو صورة أو أغنية…

متنساش 💡أعمل تاج للي عايز تشاركه الإحساس ده

مقدمه

ذكرياتك الحلوه ممكن تكون طريقه جديدة تخليك مبسوط ومتفائل وتوقفك على رجلك مره تانيه

هنستخدم ذاكرتنا وندور على ذكرياتنا الحلوه ونستخدم السوشيال ميديا ٢١ يوم عشان نبرمج عقلنا الباطن ونخليه مبسوط ومتفائل 💡…..مجرد فكره 

ليه؟؟؟السوشيال ميديا زي ماهي نقمة ممكن تكون نعمة…عشان تتواصل مع نفسك،تفهم نفسك،تعبر عن نفسك عشان تصالح نفسك.

أزاي؟؟؟ يوم بيوم هنقولك تعمل أيه ،أعملpost ل share للفكره ونفذ المطلوب….بعد ٢١ يوم مش هيبقى عندك خوف من النشر ولاخوف من الناس وكمان هتكون عرفت تتحكم في طبيعة منشوراتك سواء كنت من مدمني السوشيال ميديا أو كارهي السوشيال ميديا.

طيب أيه؟؟؟ متركزش على الكومنتات ولا اللايكات ، استخدم التحدي كمفكرة لنفسك زي إذاعة المدرسة أو مجلة الحائط،انسى موضوع رأي الناس دلوقتي وركز على رأيك أنت،حاول متدخلش في مناقشة خاصه بالبوست…..بس ركز في استخدامك للبوست هل ده رأيك،فكرتك،مشاركتك،رسالتك،مشاعرك،حلمك،إحساسك بالجمال…….وملكش دعوه بحد😉👌 

اليوم ١ ذكريات

اليوم الأول

فاكر أيام الدراسه…الجو بارد والدنيا بتضلم بدري 🌖

الدنيا جايز تكون بتمطر 🌂 ،بس انت خلصت مذاكرة وقاعد متكلفت وماسك كباية الشاي ☕️ …….بتتفرج على التليفزيون📺 أو بتسمع الراديو📻 ….

عبر عن الإحساس ده بكلمةأو صورة أو أغنية…

متنساش 💡أعمل تاج للي عايز تشاركه الإخساس ده

اليوم ٢ ذكريات

اليوم الثاني

آخر إسبوع في أجازة الصيف..ريحة الصيف لسه في الشوارع بس بردو ريحة الشتا تحس أنها دخلت فجأة….هدوم،شنط،كراسات،أقلام،سندوتشات المدرسه….ومتنساش العيش الفينو السخن….ليلة أول يوم مدارس….فاكرها؟!

عبر عن الإحساس ده بكلمةأو صورة أو أغنية…

متنساش 💡أعمل تاج للي عايز تشاركه الإخساس ده

اليوم ٣ ذكريات

اليوم الثالث

أول يوم مدرسة…زحمة…دوشه…والا هدوء وتنظيم…

كنت متفائل أول يوم والا بتروح معيط

عبر عن الإحساس ده بكلمةأو صورة أو أغنية…

متنساش 💡أعمل تاج للي عايز تشاركه الإخساس ده

اليوم ٤ ذكريات

اليوم الرابع

أكيد فيه سنه كانت أصعب من كل السنين في المدرسه. صح؟

ليه؟

وعملت أيه عشان تتغلب على المشكله دي

عبر عن الإحساس ده بكلمةأو صورة أو أغنية…

متنساش 💡أعمل تاج للي عايز تشاركه الإخساس ده

اليوم ٥ ذكريات

اليوم الخامس

أول يوم أجازة بعد أول أسبوع دراسة….له طعم تاني ومختلف مبسوط متحمس والا عايز تنام لوقت متأخر

..

عبر عن الإحساس ده بكلمةأو صورة أو أغنية…

متنساش 💡أعمل تاج للي عايز تشاركه الإخساس ده عايز

اليوم٦ ذكريات

اليوم السادس

كل سنه وأنتم طيبين النهارده أول يوم في الدراسة …..👍 فاكر ؟؟؟؟؟؟

أخبار المواصلات أيه؟؟؟ مش دلوقتي…لا…أيام ماكنت في المدرسة ..بتركب باص والا بتمشي؟مين بيوصلك؟بتروح مع مين؟بتروح في ميعادك؟

عبر عن الإحساس ده بكلمةأو صورة أو أغنية…

متنساش 💡أعمل تاج للي عايز تشاركه الإخساس ده

اليوم ٧ ذكريات

اليوم السابع

كل حاجه أول أسبوع في المدرسة تحدي ….صح

ياترى كنت بتلحق تقعد أول صف والا كنت بتحب تقعد ورا مع الضايعين….كنت طويل وشاطر وبتعاني عشان مش عايزين يقعدوك في الأول….والا كنت قصير وبنظارة فكان لازم تقعد في وش السبورة!!!!!!!

في سنه من السنين …..مين قابلته صدفة وقعد جنبك وفضلتم صحاب بعد كده عمر بحاله؟؟؟؟؟؟

عبر عن الإحساس ده بكلمةأو صورة أو أغنية…

متنساش 💡أعمل تاج للي عايز تشاركه الإخساس ده

اليوم ٨ ذكريات

اليوم الثامن

كنت بترسم والا بتقرا والا كنت الكبير و بتخلي بالك من أخواتك بعد ماترجع من المدرسة….

لسه عندك حاجه من هوايات زمان؟؟؟والا لسه بردو بتخلي بالك من أخواتك؟؟؟؟؟

ايه لسه مكمل معاك من زمان؟؟؟؟

عبر عن الإحساس ده بكلمةأو صورة أو أغنية…

متنساش 💡أعمل تاج للي عايز تشاركه الإخساس ده

اليوم ٩ ذكريات

اليوم ٩

أكيد كنت بتلعب لعبة معينه في المدرسة مع صحابك بس لما تروح وتحاول تلعب نفس نفس اللعبه في البيت بتعمل دوشه ويزعقولك …صح؟؟

عبر عن الإحساس ده بكلمةأو صورة أو أغنية…

متنساش 💡أعمل تاج للي عايز تشاركه الإخساس ده

اليوم ١٠ ذكريات

اليوم ١٠

جرس المرواح أحلى صوت ممكن تسمعه في حياتك….صح؟

أحلام المرواح دي كانت الحاجه اللي بتصبرنا من وقت مابنروح….فاكر الصوت؟ لحقت الجرس العادي اللي كان بيضربه فراش المدرسه….والا الجرس الالكتروني اللي عامل زي صفارة الانذار؟؟؟؟؟

كنت بتحس بأيه؟؟؟ سعيد؟ جعان؟عايز تنام؟؟؟؟

عبر عن الإحساس ده بكلمةأو صورة أو أغنية…

متنساش 💡أعمل تاج للي عايز تشاركه الإخساس ده

اليوم ١١ ذكريات

اليوم ١١

جرس الفسحه بتستناه من ساعة طابور الصبح

الجوع اللي كنا بنحسه الحصه اللي قبل الفسحه وكأننا مكلناش من سنين….

وانا بقولك كده دلوقتي اي مرحلة هى اللي جت في بالك؟ ابتدائي والا اعدادي والا ثانوي؟؟؟؟؟؟؟؟

عبر عن الإحساس ده بكلمةأو صورة أو أغنية…

متنساش 💡أعمل تاج للي عايز تشاركه الإخساس ده

كنت بتاكل ايه؟ من الكانتين والا من البيت؟؟؟؟؟

ايه الريحه اللي جت في دماغك ؟؟؟؟مين افتكرته؟؟؟؟؟؟

اليوم ١٢ذكريات

اليوم ١٢

فجأة كده وبدون سابق إنذار…….بتبدأ تفهم الدنيا حواليك….فاكر أول مره فهمت فيها الدنيا…الحياه والموت والصداقه والنداله والحب والكره …….أمتى أول مره قلت لنفسك دي سنة الحياه

عبر عن الإحساس ده بكلمةأو صورة أو أغنية…

متنساش 💡أعمل تاج للي عايز تشاركه الإخساس ده

اليوم ١٣ ذكريات

اليوم ١٣

كنت سهران بتتفرج على التليفزيون ومش عايز تنام….شويه الفجر أذن…دخلت تناملك ساعتين عشان أهلك لو صحيو دلوقتي هتتهزق طبعا 😀 وطبعا عمال تدعي ربنا يبارك في الساعتين دول…

هوب ….ميعاد الصحيان…مين بيصحيك؟ بيزعق والا بيدلعك ؟ صباح الخير …..مدارس !!!!!!

عبر عن الإحساس ده بكلمةأو صورة أو أغنية…

متنساش 💡أعمل تاج للي عايز تشاركه الإخساس ده

اليوم ١٤ ذكريات

اليوم ١٤

عدى شهر من المدرسه…زهت صح؟؟؟ نفسك ترجع لأيام الأجازه تاني….بس بقى عندك صحاب جداد😀 بتتكلمو وبتلعبو وبتهرجو مع بعض….

عبر عن الإحساس ده بكلمةأو صورة أو أغنية…

متنساش 💡أعمل تاج للي عايز تشاركه الإحساس ده

أختار أحلى يوم قضيتو مع صحاب المدرسه…مين كان هناك؟؟؟كنتم بتلعبو؟بتغنو؟كنت شاطرين والا خيبانين؟؟؟

أفتكر إحساسك باللحظه دي….سعادة..ضحك..تهريج……..مع أن سهر عدى من المدرسه….وزهقت صح !!😉

%d bloggers like this: