Category: تحدي ٢١ يوم المرحله الأولى التفاؤل

مقدمه

الفكره معتمده على دراسه برمجه العقل الباطن اللي بتقول ان تكرار الشئ لمدة ٢١ يوم هيحوله لعادة يوميه يعنى لو بعت لمخك رساله يوميه وكررتها مخك هيصدقها وهينفذها كأمر واقع

Day#9

الصبر
نجاحنا ورحلة تغيرنا زي نمو النبات بالظبط احنا في مرحلة مش لسة مظهرتش
علي السطح بس الحلم بدأ الجذور بتتثبت في الأرض عشان تقدر تشيل أحلامنا الكبيرة وتكمل في الحياة …..
شوفوا الفيديو دة

Day#21 Congratulation

ليوم ٢١

انا متفائل وناجح
فعلا بدأت أحس ان ده جزء من حياتي وان اخطائي هى كمان جزء منها
انا فخور إن انسان وسعيد أني افضل مخلوقات الله
تجاربي بتعلمني وهفضل اتعلم

 

https://www.facebook.com/Scenography.Time/videos/1304262679696891/

Day#19

اليوم ١٩
انا قوي ومتفائل

للي فاهمين الشخصية القوية غلط إليكم هذا التعريف الجميل ..

اغلب الناس فاهمه القوة غلط

مين أقوي شخص تعرفه ؟

انا كنت فاكر الشخص القوي هو اللي الناس بتخاف تضايقه ، اللي مشاعره جامده ، اللي بيعرف ينتقم …

لكن اكتشفت ان مفهومي للقوه غلط …

القوة الحقيقيّة عند
اللي قلبه بيتكسر مليون حتة و يبقي لسه قادر يحب
اللي روحه بتروح خالص و يحس انه مات فعلا … و يقوم ويلبس ويشوف شغله … و بعد يومين تلاته تلاقيه لسه عايز يعيش

اللي بيتصدم صدمة كبيره في حد عزيز … و بيفضل قادر يثق في الناس
اللي المرض بيهده و بيتحامل علي نفسه علشان ميكسرش قلب اللي بيحبوه .
اللي بيلاقي نفسه ماشي وسَط الجحيم و يكمل مشي لحد ما يخرج … عشان الى فى رقبته.

اللي لما بيوصل للقاع بيقوم بسرعة و يتسلق جدار احلامه تاني … لان عنده إيمان ان القاع مش مكانه ولا عمره ينفعه…
الناس دي ربنا بيديهم مدد من عنده …
قوه غير آدميه… اللي بيقرب منهم بيحس بيها و بياخد طاقه تمشيه بقية حياته .
الناس دي مش بتسند علي حد … الناس دي … بيتسند عليها

ربنا بينعم عليها بإحساس ثبات … بيخليهم وقت القلق ميدوروش علي ملجأ غيره هو
بيمدهم بهدوء نفسي و ثقة في الله … و روحهم بتبقي خفيفة فعلا كأنهم طيور
بيسلموا امرهم لله،

زي العصفوره اللي بتبني عشها علي فرع شجرة … مابتبقاش متأكدة ان الفرع ثابت …مابتثقش في الشجره … بتكّون متأكدة ان الغصن لو انكسر … هي هتعرف تطير …
لأن سندها بيجي من عند ربنا

اكتر حد بيضحك … اكتر حد بيطبطب علي الناس … اكتر حد بيقدر و بيسامح

أقوي حد هوا اهدى حد … و اكترهم قدره على الاحتواء

#cpd

Day#18

ليوم 18 …

وقعت وحاسس بعدم اتزان بس لسة مكمل مش شايف حاجة خالص ولا حاسس يبقي انت اكيد في نهاية النفق والنور جاي قول لنفسك انا قربت اوصل خلاص الجاي احسن الضلمة عدت والنور جاي

Image may contain: sky, outdoor and nature

Day#16

اليوم ١٦
أنا إنسان قوي بتحدى كل الظروف الحمدلله
أنا ناجح ومتفائل وقادر بمساعدة ربنا أكون أحسن وأحسن

الأغاني الكئيبه ابعد عنها ومتسمعش غير اللي يقويك مش يضعفك

Day#13

اليوم ١٣
لسه مكمل وهعيش إني إنسان ناجح
هعيش إنى سعيد وراضي
هبتسم لأني طيب وعارف أن ربنا بيختبر الطيبين عشان بس يدعو ويحمد الله ويشكروه
هعيش إني غني وهحمد ربنا
هعيش إني قادر بعون ربنا أكون متفائل
هعيش إني ناجح برغم الظروف

Image may contain: flower, plant and nature

Day#12

اليوم ١٢

أنت عشان تنجح لازم تدخل الإمتحان وعشان تثبت أنك قوي بإيمانك بالله لازم تصبر وتحمد ربنا وتكون واثق في مشيئته وأنه خلقنا ليبتلينا

مش هنقدر نمنع القدر ولا هنقدر نمنع اللي ربنا كاتبه
بس هنتفائل لأن ربنا مسبب الأسباب ومدبر الأقدار

Image may contain: text

Day#10

ليوم العاشر
عايزين نرجع مع بعض للطفولة بسجرها وقد اية كانت كل حاجة صادقة وبسيطة حتي أحلامنا الكبيرة كانت قريبة جدا عشان كنا مصدقين أننا هنوصل ونحققها طلع الطفل اللي جواك باحلامة بنقاءة ببساطة بصدقة بعفويتة. ….
عيش الحلم ادخل جواة و لون أحلامك … واكيد اكيد ان شاء الله هتوصل

Day#8

اليوم التامن

امبارح اتكلمنا عن الحاجات اللي كان نفسنا نعملها وكانت بتخلينا سعداء
النهاردة بقي عايزين نقعد ونفكر في كل الحاجات اللي موجودة في حياتنا واحنا شاكرين جدا ليها ولوجودها ولو مش موجودة الحياة كانت هتبقي صعبة جدا …..
اكيد هتلاقي كتييييييييييييييييير……
انت محظوظ …… اهلك شغلك بيتك … صحتك اصحابك مش مسلمات دول أسباب للسعادة موجودة في حياتنا

Image may contain: cloud, sky, outdoor and nature

Day#7

اليوم السابع ….

حبيت افكركم ان احنا لازم نفكر نفسنا كل شوية انا احنا خلاص وصلنا زي ماقولنا قبل كدة لو عايز تنجح في حاجة
فكر نفسك علي طول انك ناجح …..

ومفيش مانع نمسك ورقة وقلم ونكتب الحاجات اللي بقالنا فترة مش بنعملها بس كانت تخلينا سعداء لما نعملها
زي رياضة بتحبها … مكان بتحبة …. أي حاجة نفسك تعملها ….
الفكرة ذات نفسها هتخليك سعيد ….

Day#6

ليوم السادس
حاسس بشوية لخبطة وشوية توهان بس برضة مكمل
أرجع للورقة اللي كتبت فيها في اول الرحلة انت عايز تبقي اية توصل لأية تحقق اية
مادام حلمك لسة حاطة قدامك …. لما تفكر فية كويس وتعيش وتسيب نفسك … هتلاقي نفسك مش تايهة انت مكمل ….
احنا ماعندناش حاجة نخسرها غير اللي احنا عايزين نخسرة و نتخلص منة …

أكسر قيودك حرر نفسك من نفسك القديمة ….

No automatic alt text available.

Day#5

يوم الخامس
لازم تبقي فخور انت قطعت ربع المسافة في رحلة ال 21 يوم …
لازم نفكر بعض انة حتي لو وقعنا في لحظة ضعف واستسلمنا للأفكار السلبية والإحباط أننا نقوم تاني … ونبعد عن اي حاجة تخلينا نضعف …
وعشان نتعلم لازم زي ما في مكافأة لازم يبقي في عقاب أتعلم برضة تعاقب نفسك ……

ونصيحة شارك حلمك مع اللي بتحية وواثق انة مصدقك مقتنع انك هتوصل لحلمك .لان في اللحظات دي هتلاقية في ضهرك…. واكيد اكيد انت مش هتخذلة…

Image may contain: text

Day#4

اليوم الرابع ومكملين
الورقة الرابعه علقها على الحيطه اللي خصصتها لكده وأكتب انت عايز تكون أيه (أنا غني) (أنا إنسان ناجح) (أنا إنسان سعيد) (أنا مدمن متعافي)
.
.عايز تبقى غني اتصرف انك غني 💡
.

ليوم الرابع النهاردة
فاكرين اللي احنا قولنا علية في اول يوم الحاجات اللي نفسنا نحققها …..
احنا المفروض دلوقتي كل يوم بنفكر نفسنا ان ناجحين
دلوقتي بقي شوية نصائح بسيطة عشان نخش في المود
حاول نختار صورة خلفية علي الموبايل بتغكرك بحلمك تبقي حافز قدامك اول ماتشوفها
…. متنساش تفكر الذي تكافء نفسك علي في نهاية المشوار دة خلي الموضوع دة حافز ليك وبرضة خلي قدام عينك حطة علي مكتبك فوق سريرك في مكان بتشوفه كل يوم…..

أطمح وأحلم واكيد هتوصل لو اجتهدت ان شاء الله …..

Day#3

ليوم الثالث مكملين
الورقة الثالثة علقها على الحيطه اللي خصصتها لكده وأكتب انت عايز تكون أيه (أنا إنسان ناجح) (أنا إنسان سعيد) (أنا مدمن متعافي)
.
.

Day#1

هنجرب نتحدي نفسنا لمدة 21 يوم أننا نغير نفسنا او بمعني نغسل مخنا

هنحاول نتبع الخطوات البسيطة دي أو ممكن نتفرج علي الفيديو عشان نعرف اكتر

نكتب ورقة بالحاجات اللي نفسنا نحققها … 
نعمل منبة نفكر في نفسنا ان احنا فعلا وصلنا للي احنا بنحلم نبقي زي الأطفال نعيش الحلم من اول يوم
أنبطل نتفرج علي افلام ومسلسلات عكس فكرة النجاح
نبطل تتفرج علي الأخبار خالص في الفترة
بداية من النهاردة…..،

%d bloggers like this: