Category: تحدي ٢١ يوم المرحله الثانية التفاؤل

المرحله الثانية Day 8

اليوم التامن …..

النهاردة بقي عايزين تأكد علي حاجة مهمة …قولناها في بداية الرحلة و هي أبعد عن السلبيات اللي ممكن تأثر عليك …

متشوفش أخبار عكس فكرة حلمك … متسيبش حد يأثر عليك …أبعد وحاول تحتفظ بنفس الطاقة الإيجابية …

ولو حد إثر عليك .. go to your happy place. تخيل انك هناك وتخيل كمان نفسك في الصورة اللي انت فيها محقق حلمك .. وأحلم وعيش لحد ماتسترد طاقتك تاني .

المرحلة الثانية Day 7

اليوم السابع ….

النهاردة عايزين نجرب حاجة جديدة أرجع للذكريات بتاعتك وانت طفل اتفرج علي صور قديمة مبهجة…
حاول تسترجع احلامك اللي كنت راكنها علي الرف واختار حاجة بسيطة بس وممكن تعملها النهاردة …
زي مثلا كان نفسك تقرأ او تلعب رياضة او تتعلم او تسافر….. وخد خطوة بسيطة في انك تعمل كدة …

المرحلة الثانية Day 6

ليوم السادس ….

حاسس بأن الدنيا بتجري وانت مش عارف تعمل اية ساعات مستعجل عايز تلحق وساعات مستسلم حاسس انك مطمن …دة مبدأ لو عيشت فهمت معنا وطبقتة هتطمن وتهدي نفسك ….

Image may contain: 2 people, text

المرحلة الثانية Day 5

اليوم الخامس ….
ا
انا قوي…انا سعيد…..انا هادئ الاعصاب… انا امتلك ذاكرة قوية….كرر هذه الكلمات. و اليك الان القواعد الخمس لبرمجة عقلك الباطن:-
1-يجب ان تكون رسالتك واضحة و محددة
2-يجب ان تكون رسالتك ايجابية
3-يجب ان تدل رسالتك عن الوقت الحاضر
4-يجب ان يصاحب رسالتك الاحساس القوي بمضمونها حتي يقبلها العقل الباطن و يبرمجها
5-يجب ان تكرر الرساله عدة مرات الي ان تتبرمج تماما و تصبح تكيف عصبي

Image may contain: one or more people, ocean, twilight, sky, outdoor, water and nature

المرحلة الثانية Day4

اليوم الرابع

فكر نفسك كل يوم انك لازم تبعد عن السلبيات
الأشخاص الأخبار اللي بتجرك لتحت .
اتخلص من الحمول اللي مكبلاك …
.. انت بتبذل مجهود كبير بس عشان تفضل واقف في مكانك… اطلع لقدام

No automatic alt text available.

المرحلة الثانية Day3

اليوم التالت ….

طيب في ناس بتقول انا فعلا بغير عقليتي وبقول لنفسي انا ناجح بس انا عايز اخلي الموضوع عملي وواقعي اكتر وفي نفس اوقت أعيش وأحلم وأحس اني فعلا بقرب …

شوف الفيديو دة لو حابب تعرف ازاي بطريقة بسيطة تحدد أهدافك وتحققها

المرحلة الثانيه Day 2

اليوم التاني …

بنفكر نفسنا علي طول بحلمنا وبنتعامل أننا وصلنالة وعايشين بالعقليه دي …

دة مش مجرد كلام وعشان كدة انا حابب احكيلكم حكايه تحسسكم قد اية الطريقة دي فعاله ..

مين فينا ميعرفش بطل الملاكمة الشهير محمد علي كلاي الله يرحمة واحد من أبرز الرياضيين والشخصيات المؤثرة في حياتنا كلنا …..

نرجع ورا لبداية شخص بيحب الملاكمة عندة طموح صغير جدا في السن أوائل العشرينات وفي أسطورة علي عرش الملاكمة اسمها سوني ليستون محمد علي قال أنه عايز يلاعبه علي اللقب وطلع في كل حتي يقول أنه عايز يلاعبة. ..

متخيلين شخص مغمور بيطالب أنه يلاعب بطل العالم للملاكمة مش بس كدة دة كمان بيقول أنه هو البطل وانة أفضل ملاكم في العالم …..

محمد علي كلاي فاز علي ليستون في مفاجأة كبيرة للعالم كلة ….

الأهم من دة كلة أن محمد علي لما اتسال عن ازاي هو عمل كدة …. قالهم انا كنت بترعب منة بس عشان أثبت للعالم كلة أن أقدر افوز عليه كل اللي عملتة اني أقنعت نفسي الأول اني ها فوز علية وأني أفضل ملاكم في التاريخ …..

محمد علي كلاي عمل brainwash لنفسة وفعلا وصل انت كمان تقدر .

المرحله الثانيهDay#1

هنفكر نفسنا تاني بتحدي ال 21 يوم تحدي brainwash

اللي مجربش وملحقناش يلحق يبدا واللي جرب معانا يجرب تاني في افكار جديدة واكيد هتبقي رحلة ممتعة وهنعيد شرح الفكرة تاني النهاردة البداية …..

ببساطه احنا قررنا نتحدي نفسنا لمدة 21 يوم أننا نغير نفسنا او بمعني نغسل مخنا

هنحاول نتبع الخطوات البسيطة دي أو ممكن نتفرج علي الفيديو عشان نعرف اكتر

نكتب ورقة بالحاجات اللي نفسنا نحققها …

نعمل منبة نفكر في نفسنا ان احنا فعلا وصلنا للي احنا بنحلم نبقي زي الأطفال نعيش الحلم من اول يوم

أنبطل نتفرج علي افلام ومسلسلات عكس فكرة النجاح

نبطل تتفرج علي الأخبار خالص في الفترة

بداية من النهاردة…..،

%d bloggers like this: