من المواضيع المهمه جدا واللي بتمس كل إنسان في الدنيا حاليا هي تأثير السوشيال ميديا ( وأشهرها جروبات الفيس بوك و الواتس اب والانستجرام )على الشخص وتعاملاته مع نفسه و مع الناس حواليه.
مننكرش أن السوشيال ميديا قربت المسافات كتير بين الأهل والصحاب اللي فرقت بينهم ظروف الحياة بس في نفس الوقت صنعت علاقات غيرصحية أكتر،أو حولت الإنسان لشخص تايه غير فعال غير منتمي لأي حد ولا أي مجموعه.
الإنضمام للجروبات الكتيره المتكونه من مجموعات من الناس اللي جمعتهم ظروف مؤقته زي دراسه أو عمل دي خطر نفسيا على فكره ( بالابحاث والارقام) لان مفيش ارتباط حقيقي بينهم فيكون الإتصال هو نوع من تقصى الأخبار ومحاولات انتهاز الفرص أو القر والحسد فمع الوقت هيبدأ عقلك الباطن يعتقد ان هم دول الكوكب و يكره الناس ويتعامل معاهم انهم أشرار ويتحول لكائن سلبي ناقم على حياته وعلى الناس وعلى الدنيا باللي فيها
التوصيات
على فكره موضوع السوشيال ميديا ده خطير جدا وجامعات كتير قوي شغاله على الابحاث دي النتايج كلها بتقول ان العلاقات الإنسانية على السوشيال ميديا لازم تحدد فيها zones بدقه شديده بحيث متتعداش منطقة الأمان اللي عندك في حياتك،بدل ماتبقى زي اللي دخلت ١٠٠ مكان واتدعكت فيهم فمبقاش عندك وقت لنفسك ولا لشخصيتك الأصليه وتهت في ملكوت الله الواسع
أتحدى نفسك
- أضغط هنا وأتحدى نفسك ٢١يوم ….ذكرياتنا الحلوه هتخلينا نتفائل
مجرد لمبة 