مجرد لمبة

قصة حقيقية عن عالم الرياضيات جون ناش واللي كان بيعاني من الفصام، تخيل ناس ملهمش وجود بل وبيعتبرهم صحابه وإيهام نفسه أنه الجندي المجهول اللي هينقذ امريكا من الروس

الجميل في الفيلم العلاقة بينه وبين زوجته اللي مهربتش بعد ماعرفت الحقيقة ، بل بالعكس هي اللي فضلت جنبه وساعدته لحد ما خد أكبر جايزة في مجال الرياضيات لأن مرضه مكانش مساعده ف شغله وبيضعف قدرته علي التفكير والإبداع ، يمكن لو جون ناش كان البطل بسبب عبقريته وبسبب مرضه ، فزوجته كانت البطلة بسبب أصالتها وإخلاصها وصبرها ، يمكن هي المثال اللي أي راجل بيدور عليه لأن لو كل الدنيا علينا فهتفضل اللي زيها السند والضهر والحيطة اللي بنستخبي وراها

الفيلم فاز بأوسكار أفضل فيلم وافضل ممثلة مساعدة جينيفر كونلي الزوجة ، وجوايز تانية