تمرين المرايا:
النهارده هنركز جدا على التحكم في الغضب والعصبيه ….أوقات كتير بنكون غضبانين من مواقف حصلت من زمان وكل مانفتكرها بنتنرفز ونتضايق….هات مرايا صغيره وبص فيها كويس أو حتى بص في أي مراية متعلقه …ياريت تلاقي مكان هادي عشان تبقى براحتك….ركز في عينيك كويس قوي…استحضر الموقف اللي كنت فيه متعصب وغضبان واتخيل الشخص اللي كان السبب في عصبيتك كأنه قاعد قدامك….افتكر مشاعر الغضب اللي كانت جواك وقتها…بكل العصبيه اللي جواك اتكلم مع الشخص ده وقوله انت ليه متضايق …خليك محدد جدا جدا وقول” أنا متضايق ومتعصب منك بسبب (……….)، ومأذي منك لأنك عملت (……) وده حسسني ب (……)، أنا خايف من (…….)”
ممكن من أول مره هتحس أنك مرتاح وهديت وممكن تحتاج تكرر التمرين أكتر من مره….أعمل المناسب والأريح لك…وأستخدم التمرين لكل موقف أنت حاسس فيه بالغضب….مع تكرار التمرين…هتحس الفرق…أوعدك 😉
مجرد لمبة 